Xalq şairi Vaqif SƏMƏDOĞLU.”Sevgilim, mən öləndə…”

8-06-2019, 05:00
0
Жалоба

http://s06.radikal.ru/i179/1702/30/2ea22e3e1c33.jpg

Sevgilim, mən öləndə,
Bir küncdə xısın-xısın
Ağlayacaqsanmı sən?
Kimin xarabasında
Bir damla yaşa dönüb
Düşəcəyəm gözündən?

Ağla, qurbanım, ağla,
Ağla, һeyranım, ağla,
Evdə qonaqlar olsa,
Çıxıb eşikdə ağla.
Gözlə, gecə düşəndə
Yorğan-döşəkdə ağla.
Qulaq asma aləmin
Sözünə bircə kərə.
De, Vaqif ölməliydi,
Gəl öldü naһaq yerə…

Sevgilim, mən öləndə,
Soraq sənə gələndə,
Düşmən gözü güləndə,
Ağla, olanım, ağla,
Ağla, qalanım, ağla,
Ağla, mən ölüm, ağla…

Mənbə: Klassik Ədəbiyyat İnciləri


Добавить комментарий
yenilə, əgər kod görünmürsə

Авторизация