Əziz MUSA.Yeni şeirlər

7-09-2019, 09:00
0
Жалоба

http://i056.radikal.ru/1512/6d/fbfcefc5a31e.jpg

Azərbaycan Yazıçılar və Jurnalistlər Birliklərinin üzvü,
"İlham çeşməsi" qəzetinin təsisçisi və baş redaktoru,
Azərbaycan Respublikası Prezidentinin Təqaüd Fondunun təqaüdçüsü


BU NAĞILLAR

Taleyim, qismətim tuş gəldi qəmə,
Dərdimi, qəmimi qoymuşam dəmə,
Bu sevgi bir quru nağılmış demə,
Daha nağıllara inanmıram mən.


Xoşdu söz eşitmək gözəl dilindən,
Neyləyim ayrıldım qönçə gülümdən,
Sevdalı günlərim uçdu əlimdən,
Daha nağıllara inanmıram mən.


Dindirsən bir qəhər boğacaq məni,
Çəkəcək qoynuna od-ocaq məni,
Bu həsrət deyəsən udacaq məni,
Daha nağıllara inanmıram mən.


Döndü gizlənpaça sevda oyunu,
Sevdim, əzizlədim bəstə boyunu,
Əzbərdən bilirəm"Leyli Məcnun"u,
Daha nağıllara inanmıram mən.


İndi nağılları gözüm söyləyir,
Nağılar gecəni səhər eyləyir,
Ötən günlər üçün qəlbim göynəyir,
Daha nağıllara inanmıram mən.
 

İSTƏMİRƏM

Bu sevgimiz bir bəzəkdi aləmə,
Gəl könlümü sən viranə eyləmə,
Bir gülüşün dəyər min-min məlhəmə,
İstəmirəm göz yaşımı görəsən


Bilirsən ki, odsuz-közsüz yanmışam,
Gülüm səni qəlbim, gözüm sanmışam,
Səni görüb ayı, günü danmışam,
İstəmirəm göz yaşımı görəsən.


Bu məhəbbət Məcnun edib məni də,
Gözlərimdən qovub duman, çəni də,
İstəyirəm gülər görəm səni də,
İstəmirəm göz yaşımı görəsən.


Bir qönçəsən, tər ətirli çiçəksən,
Sən ömrümə yaraşıqsan, bəzəksən,
Göydən gələn naz-qəmzəli mələksən,
İstəmirəm göz yaşımı görəsən.


Bu sevdadan inanma ki, mən dönəm,
Al canımı qaş gözünlə ey sənəm,
Öldürəcək vallah məni qüssə-qəm,
İstəmirəm göz yaşımı görəsən.


Əziz Musa məhəbbətə baş əyər,
Dözmək olmur çatılıbsa qaş əyər,
Ürək yanıb, süzülürsə yaş əgər,
İstəmirəm göz yaşımı görəsən.
 

Mənbə: http://edebiyyat-az.com 


Добавить комментарий
yenilə, əgər kod görünmürsə

Авторизация