Son dəqiqə:

SOCAR-ın “Azərikimya” İstehsalat Birliyində “Hemofiliya və talassemiyadan əziyyət çəkən uşaqlara qayğı” Dövlət Proqramı çərçivəsində talassemiyalı xəstələr üçün növbəti qanvermə aksiyası keçirilib

18-09-2019, 12:00
229 dəfə Oxundu.

SOCAR-ın “Azərikimya” İstehsalat Birliyində “Hemofiliya və talassemiyadan əziyyət çəkən uşaqlara qayğı” Dövlət Proqramı çərçivəsində talassemiyalı xəstələr üçün növbəti qanvermə aksiyası keçirilib



GÜNDƏLİK.İNFO xəbər verir ki, 17 sentyabr 2019-cu il tarixində SOCAR-ın “Azərikimya” İstehsalat Birliyində “Hemofiliya və talassemiyadan əziyyət çəkən uşaqlara qayğı” Dövlət Proqramı çərçivəsində talassemiyalı xəstələr üçün növbəti qanvermə aksiyası keçirilmişdir.

“Azərikimya” İB-nin dəvəti ilə Azərbaycan Respublikası Səhiyyə Nazirliyinin B.Eyvazov adına Elmi Tədqiqat Hematologiya və Transfuziologiya İnstitutunun Mərkəzi Qan Bankı tərəfindən ezam olunmuş 10 nəfərlik xüsusi tibbi briqada tərəfindən aparılan, minlərlə insan üçün həyati əhəmiyyət kəsb edən bu könüllü hümanitar aksiyada Birliyin İdarəetmə aparatının, Etilen-polietilen zavodunun və Təmir-tikinti İdarəsinin əməkdaşları iştirak etmiş, müayinə edildikdən və yerindəcə təşkil olunmuş səyyar laboratoriyada yoxlanıldıqdan sonra yüzlərlə insandan qan götürülmüşdür.

Qanvermə aksiyasında “SOCAR-Polimer” MMC-nin, “Kimyaçı” Mədəniyyət sarayının bir qrup əməkdaşı və şəhər ictimaiyyətinin bir sıra nümayəndələri də iştirak etmişdir.

Böyük əhval-ruhiyyə hissi ilə keçən aksiyada 200 nəfərədək insan qan vermişdir.

Qeyd edək ki, “Azərikimya” İB-nin təşəbbüsü ilə bu humanitar aksiya 2010-cu ildən bəri - SOCAR-ın strukturuna daxil ediləndən hər il keçirilir.



BİZİ SOSİAL ŞƏBƏKƏLƏRDƏN İZLƏYİN:

Reklam