Təranə Turan RƏHİMLİ.Yeni şeirlər

20-12-2015, 14:20
823

http://s009.radikal.ru/i308/1512/f3/9373b6072f6f.jpg


BİR GÜNLÜK TANRI QOYNUNDA
OLASAN ANA UЕћAДћI

Arı olub bu dünyanın
Çiçəyindən qopmayasan.
Xoşbəxtlikdən dil-dodağın
Əsə, söz də tapmayasan.

Həyəcandan külə dönüb
İçində nəfəs quruya.
Yeri-göyü unudasan,
Səni göydəki qoruya.

Səpiləsən ulduz-ulduz,
Yığılıb günəş olasan.
Yadından silib dünyanı,
Təzədən tanış olasan.

Əlin Tanrı ətəyində,
Qəlbində Tanrı işığı,
Bir günlük Tanrı qoynunda
Olasan ana uşağı.

BİR QƏRİB MEЕћƏDƏYƏM

Bir qərib meşədəyəm,
Baltalar dərd doğrayır.
Məndə ürək nə gəzir,
Sinəmdə dərd ağrıyır.

Özümdən usanıram,
Hər gün dərd qazanıram.
Yatmağa uzanıram,
Gözümü dərd bağlayır.

Qaldım çətində, darda,
Elə dərd gördüm yardan.
Məndə göz yaşı hardan,
İçimdə dərd ağlayır.

Mənbə: http://edebiyyat-az.com/


Mənbə: [xfgiven_menbe][xfgiven_menbe]
Sizin Reklam Burada

BİZİ SOSİAL ŞƏBƏKƏLƏRDƏN İZLƏYİN: