Saqif QARATORPAQ.Yeni şeirlər

26-12-2015, 10:00
957

Saqif QARATORPAQ.Yeni şeirlər


Kəsdirib qapımı budu son bahar

Bilmirəm nə deyim sənə bu yaşda,
Ilk dəfə vurulan uşaq deyiləm.
Bir az utancağam,bir az da tənbəl,
Neyləyim, elə də qoçaq deyiləm.

Kəsdirib qapımı budu son bahar,
Ayağım altında xəzəldi illər…
Mənim qız qaytaran vaxtım ha deyil,
Elə görən kimi sevə gözəllər.

Yoxsa sən gecikdin bu ömrə-günə,
Bilmirəm, gec tapdım bəlkə mən səni.
Bir nakam sevdanın naxışıdı bax,
Alnımın qırışı,saçımın dəni.

Bir eşqin acısı sızlar içimdə,
Adını sinəmə yazıb ayrılıq.
Mən çoxdan ölmüşəm bir buz ürəkdə,
O gündən qəbrimi qazııb ayrılıq.

Demirəm halıma acı bir azca,
Səndən bir cabab da gözləmirəm mən.
Bir az ürəyimi boşaltdım yetər,
Bundan sonrasını özün bilərsən…

Getməmişəm hələ mən

Getməmişəm hələ mən
Kimsənin ayağına.
Gəlsəm, üzümə vurma,
Qucaqla, bas bağrına.

Gərək yiyəsi olsun
Bu həyatda itun də.
Elə bil ki artqdı
Indi bir yetimin də.

Lap acı söz desən də,
Onu da de ürəkdən.
Ürəksiz bir söz desən,
Çıxıb gedəcəyəm mən…


Mənbə: [xfgiven_menbe][xfgiven_menbe]
Sizin Reklam Burada

BİZİ SOSİAL ŞƏBƏKƏLƏRDƏN İZLƏYİN: