"Azərbaycan Respublikası Maliyyə Nazirliyinin fəaliyyətinin təkmilləşdirilməsi tədbirləri haqqında"

9-09-2016, 22:00
519

http://s018.radikal.ru/i506/1609/ee/de67680701e9.jpg


"Azərbaycan Respublikası Maliyyə Nazirliyinin fəaliyyətinin təkmilləşdirilməsi tədbirləri haqqında" Azərbaycan Respublikası Prezidentinin 2009-cu il 9 fevral tarixli 48 nömrəli Fərmanında dəyişikliklər edilməsi barədə Azərbaycan Respublikası Prezidentinin Fərmanı

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, "Azərbaycan Respublikasının Maliyyə Bazarlarına Nəzarət Palatası publik hüquqi şəxsin yaradılması haqqında" Azərbaycan Respublikası Prezidentinin 2016-cı il 3 fevral tarixli 760 nömrəli Fərmanına və "Azərbaycan Respublikasının Maliyyə Bazarlarına Nəzarət Palatasının Nizamnaməsinin təsdiq edilməsi haqqında" Azərbaycan Respublikası Prezidentinin 2016-cı il 10 mart tarixli 828 nömrəli Fərmanına uyğun olaraq qərara alıram:

"Azərbaycan Respublikası Maliyyə Nazirliyinin fəaliyyətinin təkmilləşdirilməsi tədbirləri haqqında" Azərbaycan Respublikası Prezidentinin 2009-cu il 9 fevral tarixli 48 nömrəli Fərmanında (Azərbaycan Respublikasının Qanunvericilik Toplusu, 2009, в„– 2, maddə 61, в„– 7, maddə 533, в„– 10, maddə 780, в„– 12, maddə 983; 2010, в„– 2, maddələr 77, 80; 2011, в„– 2, maddə 85; 2015, в„– 2, maddə 108, в„– 9, maddə 988) aşağıdakı dəyişikliklər edilsin:

1. Preambuladan "sığorta fəaliyyəti," sözləri çıxarılsın.

2. 1-ci hissədən "və Dövlət Sığorta Nəzarəti Xidməti" sözləri çıxarılsın.

3. 9-cu hissə ləğv edilsin.

4. Həmin Fərmanla təsdiq edilmiş Əlavə I - "Azərbaycan Respublikası Maliyyə Nazirliyinin Strukturu"nun 5-ci hissəsi ləğv edilsin.

5. Həmin Fərmanla təsdiq edilmiş Əlavə II - "Azərbaycan Respublikasının Maliyyə Nazirliyi haqqında Əsasnamə" üzrə:

5.1. 1-ci hissədən "sığorta fəaliyyəti," sözləri çıxarılsın;

5.2. 7.4-cü bənd ləğv edilsin;

5.3. 7.10-cu bənd aşağıdakı redaksiyada verilsin:

"7.10. ölkə iqtisadiyyatına xarici və daxili kreditlərin cəlb edilməsi sahəsində zəruri tədbirlərin həyata keçirilməsini təmin edir;";

5.4. 7.11-ci bənddən "sığorta fəaliyyətinə nəzarət," sözləri çıxarılsın;

5.5. 8.28-ci bənddən "sığorta fəaliyyətinə nəzarəti təşkil etmək," sözləri çıxarılsın;

5.6. 8.29-cu bənd ləğv edilsin;

5.7. 8.53-cü bənddən "sığorta fəaliyyətinə nəzarət," sözləri çıxarılsın;

5.8. 8.67-ci bənddən "və dövlət sığorta nəzarəti" sözləri çıxarılsın;

5.9. 9.8-ci və 9.9-cu bəndlər ləğv edilsin;

5.10. 10-cu hissədən "Dövlət Sığorta Nəzarəti Xidməti," sözləri çıxarılsın;

5.11. 18.2-ci bənddən "Dövlət Sığorta Nəzarəti Xidmətinin," sözləri çıxarılsın;

5.12. 18.5-ci bənddən "sığorta fəaliyyəti," sözləri çıxarılsın;

5.13. 27-ci hissənin birinci cümləsindən ", sığorta tənzimlənməsi və nəzarəti metodikasının" sözləri çıxarılsın.

İlham Əliyev
Azərbaycan Respublikasının Prezidenti
Bakı şəhəri, 9 sentyabr 2016-cı il.


Mənbə: http://www.president.az


Mənbə: [xfgiven_menbe][xfgiven_menbe]
Sizin Reklam Burada

BİZİ SOSİAL ŞƏBƏKƏLƏRDƏN İZLƏYİN: