Polad SABİRLİ.Yeni şeirlər

17-11-2016, 04:00
654

[center]http://edebiyyat-az.com/wp-content/uploads/2016/07/Polad-Sabirli.jpg

Dadmışam

Nazik biləklərin, çiçək əllərin,
Ən xoş çağın, ən xoş halın dadmışam.
Lalə yanaqların, şəkər ləblərin,
Ay üzlü camalın, xalın dadmışam.

Mənə candan əziz, can deyən yarın,
Eşqimə vəfadar, düz etibarın,
Sevgi bağındakı əncirin, narın,
Dünyanın ən gözəl malın dadmışam.

Dümdüz şux qamətin, ipək bədənin,
Məni sərməst edən, salxım gilənin,
Ağappaq buxağın, mərmər sinənin,
Hələ yetişməmiş, kalın dadmışam.

Öldürdü Poladı, şən gülüşlərin,
Nəvaziş göstərən xoş vərdişlərin,
Qönçə dodaqların, sədəf dişlərin,
Arasından beçə balın dadmışam.

20.03.2015.

Təzədən doğuluram mən

Əgər dərd sinəmdə dağ olmasaydı,
Hünərim hardaydı şeir yazmağa.
Sözüm çiçək açıb bağ olmasaydı,
Bədxah başlayardı ayaq qazmağa.

Bədxah əl çəkməyir bəd əməlindən,
Onun ki,əzəldən niyyəti budur.
Düz işi əyir o, lap təməlindən,
Neyləsin yazığın adəti budur.

Ећair ilham alır öz vuruşundan,
Bədxahı yoxdur ki, istedadsızın.
Mən qalib çıxmışam söz vuruşundan,
İşi sürünməkdi qol-qanadsızın.

Qələmim varağı qaraldır, çünki,
Sözün qarşısında ağarır üzüm.
Sözə ona görə baş əydim mən ki,
Məni söz dağına qaldırır sözüm.

Kağızın üstündə gəzdi qələmim,
Mən sözə əyildim, ucalım deyə.
Sözü əzizlədi, əzdi qələmim,
Sözdən bəhrələnim güc alım deyə.

Ürəkdən süzülür, dilimdən gəlir,
Elə bil pətəkdən baldı süzülən.
Yaxşı ki, söz yazmaq əlimdən gəlir,
Müzəffər əsgərtək sözdü düzülən.

Məni uca tutdu kağızla qələm,
Öz yolumu tapdım, azdım kağızda.
Niyyəti xoş olan, heç edərmi qəm?
Ећeirlərim gəzdi dildə, ağızda.

Qarşımda ağ varaq qaralan təki,
Elə bil təzədən doğuluram mən.
Poladın şeirdi, sözdü məsləki,
Əgər sözüm varsa, tox oluram mən.

6.11.2016.


Mənbə: [xfgiven_menbe][xfgiven_menbe]
Sizin Reklam Burada

BİZİ SOSİAL ŞƏBƏKƏLƏRDƏN İZLƏYİN: