Bakıda avtobuslara nəzarət gücləndirildi

5-09-2015, 11:00
998

http://s019.radikal.ru/i618/1509/d6/d1f0c64e5ba6.jpg


Qanunsuz dayanma-durmaların qarşısının alınması üçün xüsusi qrup yaradılıb.

Nəqliyyat Nazirliyinin Dövlət Avtomobil Nəqliyyatı Xidmətinin müvafiq tapşırıqları əsasında, "Bakı Sərnişin və Yük Daşımalarının Təşkili" MMC-i tərəfindən DANX-nin Bakı Regional şöbəsinin iştirakı ilə birlikdə bu istiqamətdə nəzərdə tutulmuş tədbirlərin həyata keçirilməsi üzrə müvafiq işlər görülür.

"Bakı Sərnişin və Yük Daşımalarının Təşkili" MMC-dən daxil olan məlumata görə, Bakı şəhərində şəhərdaxili müntəzəm avtobus marşrutları üzrə optimallaşdırılma işləri aparılır.

Məlumatda bildirilir ki, Bakı Ећəhəri İcra Hakimiyyətinin tabeliyində yaradılmış "Baku Bus" MMC-yə məxsus yeni alınmış və əhalinin istifadəsinə veriləcək müasir standartlara cavab verən "İveco" markalı avtobusların marşrut xətləri müəyyənləşdirilmiş və yaxın vaxtlarda bu nəqliyyat vasitələri mərhələlərlə marşrut xətləri üzrə istismara verilməsi nəzərdə tutulub.

Yeni tədris ilinin başlaması ilə əlaqədar fəaliyyətdə olan marşrut xətlərinə tələbata uyğun sayda avtobusların buraxılması, marşrutlar üzrə hərəkət edən avtobusların müəyyən edilmiş hərəkət cədvəllərinə və hərəkət sxemlərinə riayət olunmasına nəzarət gücləndirilib.

Bununla əlaqədar olaraq, sərnişin daşımalarında təhlükəsizliyin təmin edilməsinə yönəldilmiş tədbirlərin həyata keçirilməsi ilə bağlı Bakı şəhər üzrə avtobusla sərnişin daşımalarına cəlb edilmiş bütün daşıyıcılara tabeliklərində olan sürücülərin yol-hərəkəti, sərnişin daşıma və təhlükəsizlik qaydalarına riayət etmələrinə, avtobusların yolda müəyyən edilmiş sürət həddini aşmaması ilə bağlı, həmçinin istismarlarında olan avtobusların texniki vəziyyətinin reysqabağı yoxlanılması, sürücülərin reysqabağı tibbi müayinədən keçirilməsi, sürücülərin iş rejiminə və iş qrafikinə nəzarətin gücləndirilməsi üzrə rəsmi qaydada müvafiq tapşırıqlar verilib.

Bakı şəhərində nəqliyyat sıxlığı yaranan ən problemli ərazilərdə, xüsusilə H.Əliyev pr.-Koroğlu m/st, Q.Qarayev pr.-Q.Qarayev m/st, Q.Qarayev pr.-Neftçilər m/st, Q.Qarayev pr.-Xalqlar dostluğu m/st, M.Hadi küç. Əhmədli m/st, A.M.Ећərifzadə pr.-İnşaatçılar m/st, S.Sani Axundov Azadlıq m/st, M.Əliyev küç. Bolluq bazarının qarşısı, Ећıxəli Qurbanov küç. XİN-nin qarşısı, Moskva pr.-20Yanvar m/st, C.Cabbarlı küç. Nizami m/st, Ağa-Neymətulla küç. Nərimanov m/st. K/T, Təbriz küç. Nərimanov parkının ətrafı, S.Rəhimov küç. Dəmiryolu kassasının qarşısında müşahidə olunan qayda pozuntularının qarşısının alınması ilə bağlı Cəmiyyət üzrə operativ qruplar yaradılmış və qanunsuz dayanma-durmalarının qarşısının alınması istiqamətində qanuna müvafiq tədbirlər görülür.

Eyni zamanda sürücülərə xəbərdarlıq edilib. Qeyd edilib ki, Bakı şəhərində sərnişin daşıma fəaliyyəti ilə məşqul olan taksi və digər nəqliyyat vasitələrinin sürücülərinin nəzərinə çatdırılır ki, sürücü mədəniyyətinə riayət edərək "Yol hərəkəti qaydalarının 52-ci maddəsinin tələblərinə riayət edərək avtobus dayanacaqlarında öz nəqliyyat vasitələrinin dayanma-durma hallarına yol verməsinlər.

Bu sürücülər bilməlidirlər ki, istifadə etdikləri avtonəqliyyat vasitələri ilə marşrut xətlərindəki müəyyən edilmiş avtobus dayanacaqları ərazisində durduqları müddət ərzində marşrut xətləri üzrə işləyən avtobusların dayanacaqlara daxil olmasına maneçilik törədilir, avtobuslar məcburiyət üzündən yol xəttində saxlamalı olur ki. Bu da öz növbəsində avtobusdan düşən və minən sərnişinlər və digər yol hərəkəti iştirakçıları üçün təhlükə yaradır. Belə hallar çox zaman yol-qəza hadisələrinin baş verməsinə səbəb olur.

Eyni zamanda Bakı şəhərində yol-hərəkətinin təhlükəsizliyinin təmin edilməsi ilə bağlı əhalidən aşağıdakılara riayət etmələrini xahiş olunur:

Dayanacaqlarda avtobuslardan düşərkən yolun əks istiqamətinə keçmək üçün avtobusun qarşısından keçməsinlər;

Yollarda müəyyən edilmiş yerlərdəki keçid zolaqlarından, konstruktiv inşa edilmiş yeraltı və ya yerüstü piyada keçidlərindən istifadə etsinlər;

Yolda yaxınlaşmaqda olan nəqliyyat vasitəsinin qəflətən qarşısına çıxmasınlar;

Dayanacaqlarda avtobus gözləyərkən səkidən yol xəttinə çıxmasınlar;

İşıqforun və nizamlayıcının işarələrinə riayət etsinlər;

Hərəkət intensivliyi çox olan yolların yaxınlığında yerləşən Tədris müəssisələrinə az yaşlı məktəbli uşaqların getmələrini nəzarətsiz qoymasınlar;

Avtobus sürücüsü tərəfindən nəqliyyat vasitəsinin təhlükəli idarə etdikdə, sürətlə sürdüyü və həmçinin etik davranış qaydalarına riayət etmədiyi təqdirdə, Cəmiyyətin internet saytı və yaxud (012)-561-76-29, 561-76-28 telefon nömrələri vasitəsilə bu sürücü barəsində məlumatın verilməsini xahiş olunur.


Mənbə: [xfgiven_menbe][xfgiven_menbe]
Oxşar Xəbərlər
Sizin Reklam Burada

BİZİ SOSİAL ŞƏBƏKƏLƏRDƏN İZLƏYİN: